Urnes Gard er ein typisk vestlandsgard. Ypperleg klima og jordsmonn gjer at vi kan produsere frukt og bær av høg kvalitet.

Eple

har vore dyrka på garden i fleire generasjonar. No er eplehagen redusert til rundt 150 tre, mest Raud Gravenstein og Aroma, men og nokre sommarsortar. Mestedelen av produksjonen går til pressing av råsaft, som vert seld i gardsbutikken vår, på marked, i nokre butikkar, kafear og restaurantar, samt nytta i kafèen.

Bringebær

I bringebærfeltet på ca. 16 da vert det dyrka mest Veten. Den vert levert til Luster Grønt for nedfrysing og seinare bruk i konservesindustrien, m.a. til Lerum i Sogndal. Konsumbæra av sortane Glen Moi, Glen Lyon og Glen Ampel vert plukka i småbeger, og sendt til Oslo og Bergen. Noko vert seld direkte frå garden, og ein stadig aukande del vert nytta som råstoff i eigen produksjon av saft og syltetøy.

Blåbær

Blåbærhagen er på ca. 2,5 da og har 5 ulike sortar. Dei store søte hageblåbæra vert selde frå gardsutsalet som frisk-konsum eller nytta i produksjon av sylte og saft.

Moreller

Morellehagen er på ca 1 da og tel 5 ulike sortar. Morellene vert selde frå gardsutsalet som friskkonsum eller nytta som råvare i kafèen.

Jordbær

Hausten 2006 vart det planta ca 1 da jordbæra, som vil bli selde frå gardsutsalet som friskkonsum eller nytta som råvare i kafeèn.

Produkt

Alle produkta på Urnes Gard vert framstilt av råvarer frå garden og vert vidareforedla på garden. Både saft og syltetøy inneheld svært lite sukker. Eplemosten er 100% fruktsaft utan tilsetning av noko slag.

Produkta er å finne i gardsutsalet på Urnes Gard, på Bondens Marked i Førde, og andre marked der Urnes Gard er representert, i nokre butikkar på Voss og i området rundt; Bergen og omland, samt Luster og Sogndal.

Omvisning

På Urnes Gard kan du få omvisning i frukt- og bærhagane. Etter ei innføring i møtelokalet, tek bonden deg med på ein rundtur i hagen. Smaksprøvar er inkludert. Her kan du få nyttige tips enten du er hobby-dyrkar eller profesjonell.
Omvisninga tek ca. 1-1,5t (avhengig av kor mange spørsmål du har).

1-5 personar: NOK 250 pr. omvisning
Over 5 personar: NOK 50 pr.stk.
Omvisning må avtalast på førehand.

[Tilbake]

Urnes Gard og Hjortefarm